Fréttir

Öskudagur er framundan 17. febrúar og nú er búið að skipuleggja dagskrá í tilefni dagsins. Við getum innan þess ramma sem samkomutakmarkanir og takmarkanir á skólastarfi leyfa hadið nær óbreyttri dagskrá eins og verið hefur undanfarin ár. Samkennsluhópar fara með sínum kennurum í þær stofnanir og fyrirtæki sem hafa gefið grænt ljós á að taka á móti okkur. Skóli byrjar á sama tíma og vanalega og fyrstu tímarnir verða nýttir til undirbúnings en eftir morgunmat verður lagt af stað og sungið sem aldrei fyrr.

Miðvikudaginn 3.febrúar skellti allur skólinn sér á skíði í Tindastól. Vorum við ofsalega heppin með veður þó það blési aðeins á tímabili. Óhætt er að segja að liprir taktar hafi sést hjá krökkunum og inn á milli gerðu kennararnir líka nokkuð góða hluti á skíðum. Ferðin var vel heppnuð í alla staði og fór flestir sælir heim en þreyttir eftir allt fjörið.

Síðustu tvær vikur hafa nemendur á unglingastigi stundað nám í ritun. Lögð hefur verið áhersla á uppbyggingu texta í nokkrum tegundum ritunar eins og frétta, smásagna o.s.frv. Spreyttu nemendur sig á mismunandi ritunaræfingum með áherslu á þjálfun í röksæmdarfærslum, persónusköpun ásamt almennri færni í ritun.

Skólahald fellur niður hjá grunnskólanum og tónlistarskólanum í dag föstudaginn 22.janúar vegna veðurs og ófærðar.

Skólaakstri úr Fljótum seinkar og verða aðstæður metnar betur þegar líður á morguninn . Haft verður samband við foreldra með framvindu.

Skólaakstur úr Fljótum fellur niður, séð til með akstur frá Ketilás til Hofsós þegar líður á morguninn. Haft verður samband við foreldra með framvindu.

Skóladagarnir hjá miðstigi hafa verið fjölbreyttir upp á síðkastið. Í vikunni fengum við Ingva Hrannar í heimsókn og hann hjálpaði okkur að nýta tölvutæknina í verkefnum okkar. Við vorum öll ánægð með að fá hann í heimsókn og finnst við hafa lært mikið og eignast fleiri verkfæri í verkfærakistuna.

Skólahald hefst að nýju eftir jólafrí þriðjudaginn 5. janúar, kl.10 á Hólum og kl.10:30 á Hofsósi. Mánudagurinn 4. janúar er starfsdagur og því frí hjá nemendum.

Jólin og jólahefðir voru mikið í umræðunni hjá miðstiginu nú í vikunni fyrir jólafrí. Samhliða horfðum við á öðruvísi jóladagatal þar sem veitt er innsýn í líf barna í barnaþorpum út um allan heim.

Yngsta stig á Hofsósi hefur dvalið í salnum og á sviðinu í félagsheimilinu Höfðaborg síðan samkomutakmarkanir voru hertar 2. nóvember. Þar höfum við reynt að halda okkar striki í náminu og nýta um leið þá kosti sem aðstaðan í félagsheimilinu býður upp á. Milli kennslustunda hafa krakkarniri getað verið í hlaupaleikjum inni, æft fangbrögð, handahlaup og verið dugleg að klifra og hanga í rimlunum.