Fréttir

1.-4. bekkur heldur árshátíð á miðvikudaginn 22. janúar kl. 16:30 í Höfðaborg. (Sjá auglýsingu) Allir velkomnir.

Fékkstu bók í jólagjöf? þá er um að gera að byrja að lesa :) Samstarf við heimilin: Lestur er sameiginlegt verkefni heimilis og skóla. Daglegur lestur heima er mikilvægur fyrir málþroska og forsenda góðs árangurs í lestri. (klikkið á fréttina til að lesa meira).

Við óskum ykkur gleðilegs nýs árs og þökkum fyrir árið sem er að líða. Skólahald hefst 6. janúar kl. 10:10. Kær kveðja Grunnskólinn austan Vatna.

Grunnskólinn austan Vatna óskar ykkur öllum gleðilegra jóla og farsældar á nýju ári. Með kæru þakklæti fyrir gott samstarf á árinu sem er að líða. Megi nýja árið færa ykkur gleði, kærleika og ótal ævintýri. Skóli hefst á nýju ári mánudaginn 6.janúar kl.10:10. Jólakveðja Grunnskólinn austan Vatna

Jólavaka 18.desember kl. 19:30 í Höfðaborg. Eigum saman hugljúfa jólastund.

Krabbameinsfélagið hvetur landsmenn til að taka þátt í bleikum degi, bera bleiku slaufuna, klæðast bleiku og lýsa upp skammdegið upp í bleikum ljóma svo allar konur sem greinst hafa með krabbamein finni fyrir stuðningi og samstöðu. Að sjálfsögðu tókum við þátt í GaV.

Á hverju ári fara nemendur 10. bekkjar í GaV í starfskynningar í þrjá skóladaga. Þessar kynningar eru mjög mikilvægur hluti af námi nemenda og dýrmætt að starfsfólk fyrirtækja og stofnana gefi sér tíma til að taka á móti þeim. Við færum þeim okkar bestu þakkir fyrir en alls staðar þar sem nemendur komu fengu þeir frábærar móttökur og hlýtt viðmót. (klikkið á fréttina).

Nemendur á unglingastigi tóku þátt í verkefninu Málæði á vegum List fyrir alla. Í dag er dagur íslenskrar tungu og er ætlunin að frumsýna lokaafurðina í þættinum Málæði - unglingar, íslenska og tónlist á Rúv kl. 19:45. Við hvetjum ykkur til að horfa á þáttinn og stjörnurnar okkar þrettán sem skína svo skært. Lagið frá nemendum GaV sem var valið áfram og GDRN flytur, Riddari kærleikans er nú komið á Spotify og Youtube fyrir þá sem vilja hlusta.

Opinn dagur í GaV Dagur íslenskrar tungu haldinn hátíðlegur Þann 16. nóvember er dagur íslenskrar tungu. Grunnskólinn austan Vatna hefur sett saman dagskrá og býður í heimsókn á fimmtudaginn 14. nóvember í tilefni af deginum. Nemendur bjóða gestum að njóta íslenskunnar en ætlunin er að deila verkefnavinnu, flytja tónlist og ljóð. Dagskráin hefst kl. 13:00 og lýkur kl. 15:35, fólki er frjálst að koma og fara eftir hentisemi. Hver hópur býður gestum í kennslustofuna til sín, svo er sungið á sal og deginum lýkur með sameiginlegri stöðvavinnu fyrir alla áhugasama. (Klikkið á fréttina til að sjá dagskrána).

Veðurguðirnir voru ekki með okkur í liði síðastliðinn fimmtudag þegar stormur geysaði. Nú ætlum við að reyna aftur og stefnum á árshátíð miðstigs á þriðjudaginn 12. nóvember í Höfðaborg kl. 18:00. Nemendur ætla að sýna leikritið Jón Odd og Jón Bjarna en tvíburarnir frægu eru hugarfóstur Guðrúnar Helgadóttur en leikritið var fyrst sett upp í Þjóðleikhúsinu 2002 í leikstjórn Þórhalls Sigurðssonar. Nemendafélag GaV verður með veitingasölu að sýningu lokinni. Allir velkomnir - hlökkum til að sjá ykkur.