Fréttir

Skólahald hefst að nýju eftir jólafrí þriðjudaginn 5. janúar, kl.10 á Hólum og kl.10:30 á Hofsósi. Mánudagurinn 4. janúar er starfsdagur og því frí hjá nemendum.

Jólin og jólahefðir voru mikið í umræðunni hjá miðstiginu nú í vikunni fyrir jólafrí. Samhliða horfðum við á öðruvísi jóladagatal þar sem veitt er innsýn í líf barna í barnaþorpum út um allan heim.

Yngsta stig á Hofsósi hefur dvalið í salnum og á sviðinu í félagsheimilinu Höfðaborg síðan samkomutakmarkanir voru hertar 2. nóvember. Þar höfum við reynt að halda okkar striki í náminu og nýta um leið þá kosti sem aðstaðan í félagsheimilinu býður upp á. Milli kennslustunda hafa krakkarniri getað verið í hlaupaleikjum inni, æft fangbrögð, handahlaup og verið dugleg að klifra og hanga í rimlunum.

Jólakveðja frá nemendafélagi Grunnskólans austan Vatna. Því miður var engin jólavaka í ár vegna aðstæðna. Við óskum ykkur öllum gleðilegra jóla og farsældará nýju ári. Þökkum fyrir stuðninginn sem þið hafið sýnt okkur. Hér eru jólamyndband sem nemandi á unglingastigi gerði. Ef þið viljið styrkja nemendafélagið getið þið lagt okkur lið á bankareikningi okkar:

Þriðjudaginn 15. desember voru nemendur á Hólum og nemendur á miðstigi á Hofsósi svo heppnir að fá rafrænan upplestur frá Ævari Þór Benediktssyni. Ævar las upp úr nýjustu bókinni sinni Þitt eigið undirdjúp. Eftir upplesturinn sem var mjög lifandi og skemmtilegur gátu nemendur spurt hann spurninga.

Kaupfélag Sagfirðinga og dótturfyrirtæki færðu Grunnskólanum austan Vatna höfðinglega gjöf síðastliðin fimmtudag 10. desember. Um er að ræða þrívíddarprentara og skanna frá MakerBot ásamt forritum. Ingileif Oddsdóttir stjórnarmaður hjá FISK Seafood og Sigurjón R. Rafnsson afhentu tækið.

Síðustu vikur hafa kennarar á Hólum verið að þróa og móta kennsluhætti í verkefnamiðuðu námi á fjölbreyttan hátt. Tvær vikur í nóvember voru teknar undir svokallaða áætlana lotu þar sem nemendur í 5.-7. bekk fengu verkefni til tveggja vikna sem þeir áttu að skipuleggja fyrir sig og raða niður á kennsludagana.

Þessa vikuna vinna nemendur á unglingastigi í hópum að kynningum á löndum í Evrópu. Hverjum hópi var úthlutað einu land og munu nemendur vinna að upplýsingaöflun um land sitt í vikunni og uppsetningu á kynningu.

Í lok október unnu nemendur miðstigs með hrekkjavökuna og allan þann óhugnað sem henni fylgir. Lokaafurð þemans voru stuttmyndir sem nemendur útbjuggu í hópum. Þeir gerðu handrit, sömdu tónlist, tóku upp, klipptu, hönnuðu og saumuðu búninga og unnu fjölmarga leiksigra á stuttum tíma. Stuttmyndirnar voru vægast sagt stórkostlegar og oft á tíðum mjög spaugilegar.