Fréttir

Fimmtudaginn 7. nóvember ætlar miðstig Grunnskólans austan Vatna að sýna leikritið Jón Oddur og Jón Bjarni í Félagsheimilinu Höfðaborg. Tvíburarnir frægu eru hugarfóstur Guðrúnar Helgadóttur en leikritið var fyrst sett upp í Þjóðleikhúsinu 2002 í leikstjórn Þórhalls Sigurðssonar. Sýningin hefst kl. 18 Nemendafélag GaV verður með veitingasölu að sýningu lokinni. Allir velkomnir - hlökkum til að sjá ykkur.

Bleiki dagurinn er á morgun miðvikudaginn 23. október. Á Bleika deginum hvetur Krabbameinsfélagið alla landsmenn til að vera bleik - bera bleiku slaufuna, klæðast bleiku og lýsa skammdegið upp í bleikum ljóma svo allar konur sem greinst hafa með krabbamein finni stuðning okkar og samstöðu. Að sjálfsögðu tökum við þátt í Grunnskólanum austan Vatna. Við hvetjum alla til að klæðast bleiku og/eða hafa bleikt í fyrirrúmi á morgun.

Í haust hafa nemendur á yngsta stigi verið að læra um hafið. Opnið fréttina til að lesa meira...

Nemendur á unglingastigi ætla að halda Opið hús á miðvikudaginn 16.október frá klukkan 14:15-15:25. Grillaðar samlokur og djús í boði skólans :) Dans - kahoot - leikir Skólabílar keyra heim 15:25 einsog vant er.

Grunnskólinn austan Vatna tók þátt í Ólympíuhlaupi ÍSÍ á þriðjudaginn 8.október. Hlaupið fór fram í góðu veðri og var mikil gleði og ánægja meðal nemenda í hlaupinu. Árangur skólans var frábær og hlupu 56 nemendur samtals 262,5 km. Það var jákvæð og góð stemning í hópnum og nemendur fóru svo í sund á eftir. Með Ólympíuhlaupi ÍSÍ er leitast við að hvetja nemendur skólanna til þess að hreyfa sig reglulega og stuðla þannig að betri heilsu og vellíðan. Að hlaupinu loknu fær hver skóli viðurkenningarskjal þar sem greint er frá fjölda þeirra sem hlupu ásamt heildarvegalengd sem hlaupin var.

Í lok ágúst var farið í hina árlegu ævintýraferð unglingastigs. (klikkið á fréttina til að lesa meira).